Односите на САД со Германија остануваат длабоки и силни, соопшти Стејт департментот, по повод скандалот во врска со американското шпионирање во Германија.
Соопштението уследи откако американскиот амбасадор се сретна во Берлин со високиот германски претставник за да разговараат за најновите откритија врзани за шпионирањето во кое учествувала американската Национална безбедносна агенција (НСА).
– Наша желба е да нема никаква напнатост во односите, рече порпаролот на Стејт департментот Џон Кирби.
Кирби не сакаше да открие детали од состанокот на американскиот амбасадор со шефот на кабинетот на германската канцеларка Ангела Меркел.