Судија од американската сојузна држава Џорџија денеска објави делови од извештајот за тоа дали поранешниот американски претседател и неговите сојузници го прекршиле законот во обид да го променат исходот на изборите, на кои републиканскиот кандидат беше поразен.
Како што пренесува Би-Би-Си, извештајот ја сумира двегодишната истрага за однесувањето на Трамп и сојузниците во Џорџија по изборите.
Во него се наведува дека големата порота верува дека некои сведоци извршиле лажно сведочење во нивното сведочење пред специјалната комисија.
„Мнозинството од големата порота верува дека лажно сведочење можеби било извршено од еден или повеќе од сведоците кои сведочеле“, се вели во извештајот објавен денеска од судијата на Врховниот суд на округот Фултон, Роберт МекБурни.
Големата порота, исто така, препорачува окружниот обвинител „да бара соодветни обвиненија за лажно сведочење каде што доказите се веродостојни“.
До денес, не е покренато обвинение против Трамп или неговите сојузници.
Големата порота не може да издава обвиненија, но може да препорача таква постапка.
Поротата, исто така, ги отфрли „лажните тврдења“ на Трамп дека изборите биле наместени, нагласувајќи дека во Џорзија не се случила измама што би можела да резултира со промена на резултатите.
Трамп загуби од Бајден со 11.779 гласа на претседателските избори во Грузија во ноември 2020 година, пренесува Танјуг.
Истрагата на големата порота беше поттикната од едночасовниот телефонски разговор во јануари 2021 година помеѓу Трамп и државниот секретар на Џорџија, Бред Рафенспергер, за време на кој поранешниот претседател побара од Рафенспергер да ги „најде“ гласовите што му се потребни за да ги промени резултатите во негова корист.
Истрагата се прошири со текот на времето за да вклучи лажни тврдења за измама на гласачите дадени до државните законодавци, како и план да се испратат републикански електори да потпишуваат изјави со лажно тврдење дека Трамп ја освоил државата Џорџија.