Стано: ЕУ санкциите врз Русија не ја попречуваат борбата против пандемијата

Од:

Портпаролот за надворешни работи на ЕУ, Петер Стано, прецизираше денеска дека постоечките ЕУ санкции врз Русија не претставуваат пречка за Москва да се бори против пандемијата од Ковид-19, јави дописничката на МИА од Брисел.

Минатата недела, високиот претставник за надворешни работи на ЕУ, Жосеп Борел, се придружи на повикот на ОН за глобален прекин на огнот додека трае здравствената криза, и додаде дека режимите на санкции кои се во сила во светот не смеат да го попречат движењето на хуманитарната помош и способноста на државите да се борат против пандемијата.

Во овој контекст во ЕУ се отвори прашањето за санкциите врз Русија и дали тие треба да се ублажат за да не претстават проблем за властите во Москва.

Петер Стано порача дека проценката на ЕУ е дека овие санкции не се никаква пречка.

-Санкциите врз одредени лица и компании се поврзани за нелегалната анексија на Крим поради преземени дејства кои ги загрозуваат суверенитетот и територијалниот интегритет на Украина, овие санкции не ја спречуваат Русија да се бори против епидемијата, изјави Стано.

Би можело да ве интересира

Во Бугарија укинат карантинот за граѓаните од ЕУ, Србија и Македонија

А1он

Основците во Грција се вратија во училишните клупи, носењето маска не е задолжително

А1он

По девет седмици, се олеснуваат заштитните мерки во Москва

А1он

Покрај пандемијата со Ковид-19, во светот и еболата зема замав

А1он

Неофицијално околу четири и пол милиони Французи се заразени од Ковид-19

А1он

Над 144 илјади заразени со новиот коронавирус во Африка

Ана Ололовска