Американски воен брод се обиде да ја наруши државната граница на Русија во Јапонското море, но во тоа е спречен од руски воен брод.
Како што се наведува, околу 17 часот по локално време воениот брод на американската воена морнарица, кој веќе неколку денови се наоѓа во Јапонското море, се приближил до територијалните води на Русија и се обидел да ја премине државната граница.
Рускиот брод кој се наоѓал во тоа подрачје по пат на меѓународен канал за врски го предупредил странскиот брод дека таквите постапки се недозволиви. Се истакнува дека американскиот брод исто така бил известен дека се наоѓа на подрачје затворено за пловидба поради артилериски оган во рамките на руско-кинеските вежби „Поморска соработка 2021“, кои се одржуваат од 14 до 17 октомври.