Според Москва, Макрон и Путин престанале телефонски да разговараат затоа што Франција е „непријателска“ земја

Од:

Рускиот претседател Владимир Путин и францускиот претседател Емануел Макрон немале телефонски разговор од пред два месеци, бидејќи Франција е „непријателска“ земја, изјави Дмитриј Песков, портпаролот на Кремљ.

dobivaj vesti na viber

Како што пренесува дописникот на МИА, тој изјавата ја даде како одговор за новинарите кои го прашаа за отсуството на телефонска комуникација меѓу двајцата лидери.

„Тие не се јавуваат затоа што мислат дека не е вистинското време, а во моментов тоа едноставно не е потребно. Доколку се појави потреба, тие можат да се јават за една минута“, продолжи Дмитриј Песков.

Последната официјална размена меѓу Емануел Макрон и неговиот руски колега датира од 28 мај, кога двајцата лидери особено разговараа на телефон, со германскиот канцелар Олаф Шолц, за судбината на украинските војници заробени од руската армија.

Претходно, францускиот претседател имаше телефонски разговори со рускиот претседател на почетокот на мај, почетокот на март и пет пати во февруари во екот на зголемените тензии до офанзивата на Кремљ во Украина на 24 февруари. Тој, исто така, лично отиде во Москва на 7 февруари за да се сретне со шефот на Кремљ.

Москва го обвини Париз за кршење на „дипломатскиот бонтон“ на почетокот на јули. Во прашање е документарниот филм „Претседател, Европа и војна“, емитуван на „Франс 2“. Секвенца од филмот покажа размена меѓу Емануел Макрон и Владимир Поутин, четири дена пред почетокот на руската офанзива во Украина.

Извор: МИА

Би можело да ве интересира

Патријарх Кирил: Господ го постави Путин на власт

А1он

(ВИДЕО) Вучиќ оставен сам во Прага: Ердоган, Орбан ниту Макрон не го поканија да им се придружи

А1он

Путин го слави седумдесеттиот роденден, Лукашенко му посака одлично здравје и долг живот

А1он

Бајден: Путин не се шегува за употребата на нуклеарно оружје во Украина

Ана Ололовска

Гардијан: Бајден не ја исклучува можноста за средба со Путин на самиот Г-20 на Бали

Ана Ололовска

Зеленски: Путин знае дека нема да остане жив по руски нуклеарен напад

А1он