Според Кремљ Западот останува без опции за притисок врз Москва

Од:

Западните земји меѓусебно се натпреваруваат за преземање чекори против Русија, но им снемуваат мерки за притисок врз Москва, оцени денеска портпаролот на Кремљ Дмитриј Песков.

dobivaj vesti na viber

Портпаролот на рускиот претседател Владимир Путин ја коментираше и можната забрана за издавање шенген визи за Русите. – Гледаме дека земјите од ЕУ и Северна Америка буквално се натпреваруваат една со друга во преземањето непријателски мерки против Русија. Но, гледаме и дека им снемуваат мерки кои очекуваат да нè притиснат и да нè принудат да го смениме ставот, иако тоа е погрешно мислење, посочи Песков.

Портпаролот на Кремљ истакна дека Москва ќе реагира многу негативно и ќе преземе мерки во случај Финска да го ограничи издавањето визи за Русите, но дополни дека Русија се надева дека таквата иницијатива нема да се спроведе.

– Руската реакција ќе биде негативна. Колку што разбравме, досега оваа идеја не е имплементирана, да се надеваме дека и така ќе остан е, но, се разбира, какви било такви активности во однос на руските граѓани ќе предизвикаат контрамерки, одговор, категоричен е портпаролот на Кремљ

Тој додаде дека реакцијата на Москва на таквата одлука на Финска би била „разбирлива и сосема предвидлива“.

Извор: МИА

Би можело да ве интересира

ОН загрижени поради извештаи од Русија за уапсени речиси 2.400 демонстранти

А1он

Цената на авионскиот билет од Москва до Белград достигна цена од 12.000 евра

А1он

Москва им забрани влез во Русија на воени функционери од ЕУ

Москва не очекува напредок во односите со Лондон по изборот на Трас

Поранешниот новинар Иван Сафронов во Русија осуден на 22 години затвор за „велепредавство“

Макрон: Мора да се подготвиме за долга војна

А1он