Специјалци во повеќе европски земји координирано ја нападнаа италијанската мафија Ндрангета

Од:

Голема меѓународна акција против припадниците на калабриската мафија Ндрангета започна денеска на територијата на Италија, Германија, Шпанија и Романија.

Цел на операцијата наречена „Платина-ДИА“ против Ндрангета, што беше иницирана утрово од италијанската Управа за истраги против мафијата (ДИА), се два мафијашки клана – семејствата на Агреста и на Џорџи, пренесуват агенциите. Семејството Џорџи е обвинето за меѓународна трговија со луѓе и трговија со дрога во неколку региони во Италија и Германија.

Повеќе од 200 припадници на ДИА, околу 100 полицајци и жандарми, како и армиски полк беа мобилизирани на територијата на Италија. Околу 500 агенти се мобилизирани во други земји, соопштија италијанските карабиниери.

Издадени се налози за апсење во Германија, 30 во Италија, а полицијата изврши претрес во 80 домови во двете земји.

Се проценува дека Ндрангета, чие име на грчки значи „херојство“ или „машка доблест“, ја надмина по моќ озлогласената сицилијанска Коза Ностра со помош на шверцот на кокаин од Латинска Америка.

Би можело да ве интересира

Дупка длабока 10 метра прголта автомобили во Рим

Италијанската полиција уапси 55 мафијаши

Во Франција се уапсени 13 лица осомничени дека се членови на нарко-банда од Марсеј

Навивачи на „Брајтон“ се повредени и ограбени во Рим

Силен земјотрес во Италија

Смог го покри Милано, воведени се ограничувања: „Излезете што помалку“