Советот за безбедост на ОН ќе расправа за руските тврдења дека Киев би можел да употреби „валкана“ бомба

Од:

Советот за безбедност на ОН вечерва зад затворени врати ќе расправа по обвинувањата на Русија дека Украина се подготвува да употреби „валкана бомба“, тврдење што западните земји и Украина го негираа.

Дискусијата ќе се одржи на иницијатива на Русија. Рускиот амбасадор во ОН, Василиј Небензија, испрати писмо до Советот за безбедност и генералниот секретар на ОН Антонио Гутереш во кое ги повторува обвинувањата за провокации на Украина.

Рускиот министер за одбрана Сергеј Шојгу завчера за прашањето телефонски разговарал со министрите за одбрана на Турција, Франција, Велика Британија и на САД.

Шојгу притоа им ја пренел својата загриженост за „можна провокација на Украина“ и можната украинска употреба на т.н. „валкана“ бомба на нејзина територија, а потоа Русија да биде обвинета за нападот.

Украина и западните земји на таквиот потег на Москва гледаат како закана дека под таков изговор токму Русија би можела да употреби „валкана“ бомба“.

Извор: МИА

Би можело да ве интересира

ВИДЕО: Нов руски напад на Харков, убиено 12-годишно момче

Катерина Ѓуровски

Путин: Обвинувањата дека Русија ќе ја нападне Европа по Украина се целосна глупост

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни

Терористите на ИСИЛ влегуваат во Европа преправајќи се дека се Украинци

Рускиот амбасадор не одговорил на повикот на Полска: Прво понудете докази

Предраг Петровиќ