Советот за безбедност на ОН ги осуди пројавите на тероризам извршени во Ирак каде џихадисти продолжуваат да напредуваат кон Багдад. Тие повикаа на итно почнување дијалог меѓу сите страни во конфликтот.
Претставниците на СБ на ОН вчера заседаваа зад затворени врати каде им беше претставен извештај на специјалниот пратеник на ОН во Ирак, Николај Младенов за ситуацијата во државата.
СБ на ОН изрази поддршка за Владата и народот на Ирак во борбата против џихадистите од Исламска држава во Ирак и Левант кои напредуваат во воените акции кон Багдад притоа заземајќи големи територии во северозападниот дел од државата.
На седницата било укажано дека мисијата на ОН во Ирак има сосема ограничен капацитет да се справи со хуманитарните потреби на половина милион Ирачани раселени од Мосул по заземањето од страна на џихадистите.