Соработник на Џулијани: Трамп се обиде да влијае на Украина

Од:

Близок пријател на Руди Џулијани, поранешниот градоначалник на Њујорк и личен адвокат на американскиот претседател Доналд Трамп, тврди дека Трамп бил директно вмешан во обидот да влијае на Украина за да го истражи демократскиот ривал Џо Бајден.

Лев Парнас рече дека во мај, на барање на Џулијани, тој му дал ултиматум на идниот претседател на Украина дека ниту еден висок американски функционер нема да присуствува на неговата инаугурација и дека основната американска безбедносна помош ќе биде намалена ако не биде најавена истрага за Бајден.

Според него, Трамп бил запознат со напорите на Џулијани да се дојде до истрагата и редовно бил информиран за тоа што се случува.

Како што се наведува, доколку се воспостави дека тоа е точно, тоа би можело да ја минимизира одбраната на Трамп.

– Претседателот Трамп точно знаеше што се случува. Тој беше запознаен со сите мои потези. Јас не би направил ништо без согласност на Руди Џулијани или на претседателот, рече Парнас.

Трамп вчера негираше дека го познава Парнас, и покрај бројните фотографии на кои е со него.

– Сум запознал илјадници и илјадници луѓе како претседател и направив илјадници фотографии, рече Трамп.

Џулијани рече дека изјавата на Парнас е „тажна“.

– Жал ми е. Мислев дека тој е чесен човек. Сум згрешил, рече Џулијани.

Би можело да ве интересира

Состанок на министрите за одбрана на САД и на Јужна Кореја

Ана Ололовска

ВИДЕО: Трамп допатува во Индија

Ана Ололовска

Трамп: Лично би го потпишал мировниот договор со талибанците

Ана Ололовска

Сезона на грип во САД: Најмалку 105 деца починати, над 29 милиони инфицирани

Ана Ололовска

ВИДЕО: Победа на Сандерс на изборите за претседателски кандидат во Невада

Ана Ололовска

Трамп до демократите во Невада: „Пазете се од Русија, Русија, Русија“

Ана Ололовска