Собир на противници на епидемиските мерки во Берлин

Од:

Противници на рестриктивните мерки воведени за да се спречи ширењето на Ковид денеска се собираат на протестен марш во Берлин, а организаторите очекуваат дека на улиците на тој град ќе има околу 22.000 демонстранти.

Сличен протест, со учество на противници за вакцинација и теоретичари на заговор, се случил пред неколку недели, но подоцна бил распуштен од полицијата затоа што, според властите, учесниците намерно ги игнорирале заштитните мерки како што се носење маски за лице и одржување безбедно физичко растојание.

Поради тоа, градските власти првично забранија нов протестен собир, но судот во Берлин застана на страната на организаторите, велејќи дека нема индиции дека демонстрантите намерно ќе ги игнорираат упатствата за задолжителна физичка оддалеченост.

Околу 3.000 полицајци ќе бидат распоредени на улиците на Берлин, а властите најавија дека протестниот марш ќе биде „скршен многу брзо“ доколку се прекршат правилата.

Во Германија, во последните неколку недели има зголемување на бројот на новозаразени случаи со коронавирусот, поради што властите стравуваат дека протестите можат да придонесат за ширење на заразата.

2020-08-29 13:50:45, од Пандорка Арсовска-Гацова

Би можело да ве интересира

Германскиот канцелар Шолц на четиридневна турнеја низ Јужна Америка

Ана Ололовска

Двајца Срби запознале маж преку страница за запознавање, па го убиле

Писториус: 100 милијарди евра не се доволни за покривање на потребите на германската војска

Горан Наумовски

Напаѓачот во возот во северна Германија е осудуван Палестинец, кој пред шест дена излегол од затвор

Во Германија уапсен второосомничен во случајот на шпионирање за Русија

А1он

Напад со нож во воз во Германија, двајца загинати и петмина повредени

Ана Ололовска