Со поддршка од ЕУ субвенционирани платите на околу 30 милиони работници

Од:

Владите на земјите од ЕУ субвенционираа меѓу 25 и 30 милиони работници со поддршка на европска програма за зачувување на работните места, соопшти Европската комисија.

Програмата SURE е воспоставена во мај 2020 година со цел да се зачуваат работните места за време на пандемијата на Ковид-19. Владите, со поддршка на програмата, беа во можност поволно да се задолжуваат за да ги субвенционираат трошоците за плати.

Благодарејќи на таа поддршка, работодавачите го скратија работното време на работниците, но не ги отпуштија од работа, објави агенцијата ДПА.

Програмата на ЕУ беше искористена од 18 земји на Унијата во 2020 година, вклучувајќи ја и Хрватска, а повеќе од 90 милијарди од достапните 100 милијарди евра беа искористени, наведува ЕК.

Најголемата сума, од 27,4 милијарди евра, ја искористи Италија. Следат Шпанија со 21,3 милијарди и Полска со 11,2 милијарди евра.

Од активирањето на SURE во септември минатата година, 1,5 до 2,5 милиони компании добија поддршка, проценуваат во Брисел.

Би можело да ве интересира

Русија очекувала повеќе од германското претседателство со ЕУ, Берлин личел на „предводник на антируските сили“

Жарко Настоски

Никој во Европската унија не сака помалку да се вакцинира од Бугарите

Жарко Настоски

ЕУ презема мерки за заштита на Украина од руската агресија

Ана Ололовска

Влада: Идентитетот и јазикот не може да бидат предмет на преговори

ЕУ досега извезе околу 200 милиони дози вакцини

Брисел: Посебната методологија за проширување ќе се примени на Србија и Црна Гора

Жарко Настоски