Со кауција ослободени новинарите на Анадолија

Од:

Новинарите на турската државна новинска агенција Анадолија, кои во средата беа уапсени во Каиро, ослободени се синоќа со кауција од по 630 американски долари.

Четворицата новинари се обвинети за емитување на погрешни информации за Египет.

Египетското Министерство за внатрешни работи оцени дека дописништвото на Анадолија „е фасада за базата на хакери, чија цел е емитување лажни вести“, истакнувајќи дека новинарите се уапсени поради давање погрешна слика за Египет.

Египетската полиција пред два дена уапси тројца египетски и еден турски државјанин кои работат за Анадолија, во главниот град на Египет.

Турското Министерство за надворешни работи го осуди нападот врз канцеларијатра на Анадолија и апсењето на новинарите. Поради тоа беше повикан и вршителот на должност амбасадор на Египет во Турција на разговор.

– Египет е една од државите каде новинарите најлесно можат да бидат уапсени, заедно со Кина и Турција, оцени Комитетот за заштита на новинарите, со седиште во САД.

Апсењето на новинарите го осудија Европската алијанса за новински агенции и Асоцијацијата на балканските новински агенции – Југоисточна Европа.

Изминатите години египетските власти уапсија десетици египетски новинари и повремено протеруваат новинари, кога не им се допаѓа како пишуваат за Египет.

Односите помеѓу Каиро и Анкара се тензични по доаѓањето на власт на египетскиот претседател Абдел Фатах ал Сиси. Турција го поддржува движењето Муслиманско братство, чиј припадник беше соборениот шеф на државата Мухамед Морси. Од 2013 година Муслиманско братство е забрането во Египет.

Би можело да ве интересира

Силен земјотрес во Турција, кај Анталија се тресеше со јачина од 4,8 степени

Катерина Ѓуровски

Силен земјотрес ја погоди Турција

ВИДЕО: Полета првиот турски борбен авион од 5-та генерација

Силен земјотрес ја погоди Турција

Горан Наумовски

Несреќа во рудник за злато во Турција: Најмалку девет рудари се затрупани

(ВИДЕО) Пукање во Истанбул, шестмина повредени: напаѓачите се убиени

Катерина Ѓуровски