Со анексија на 4 региони, Путин освои земја со големина на Португалија

Од:

Русија официјално објави анексија на Доњецк, Луганск, Херсон и Запорожје, што е 15 отсто од вкупната површина на Украина.

dobivaj vesti na viber

Русија најави анексија на четири делумно окупирани провинции во источна и јужна Украина. Потегот од петокот дојде неколку дена откако гласачите во Доњецк, Луганск, Керсон и Запорожје со големо мнозинство го поддржаа приклучувањето на нивните провинции кон Русија, на референдумите кои владата во Киев и нејзините западни сојузници ги отфрли како бесмислени и незаконски.

На церемонијата во Москва претседателот Владимир Путин рече дека Русија има „четири нови региони“, нарекувајќи ги жителите на регионите Доњецк, Луганск, Херсон и Запорожје „засекогаш наши граѓани“.

„Ова е волјата на милиони луѓе“, рече тој во говорот пред стотици високи претставници во салата Свети Џорџ во Кремљ.

Путин ги призна независните самопрогласени народни републики Доњецк и Луганск во источен Донбас непосредно пред да испрати војници во Украина на 24 февруари. Јужниот регион Керсон беше окупиран од руските трупи во првите денови од инвазијата, како и делови од Запорожје.

Русија не контролира целосно ниту еден од четирите региони. Русија контролира повеќе од 90.000 квадратни километри територија, или околу 15 отсто од вкупната површина на Украина, приближно колку Португалија или Јордан.

Русија го анектира Крим во 2014 година. Со полуостровот и територијата во четири други региони, Русија ќе добие површина приближно со иста големина како и американската сојузна држава Пенсилванија. Путин вети дека ќе ги искористи сите расположливи средства за заштита на регионите вклучени во Русија, навестувајќи ја можната употреба на нуклеарно оружје за одбрана на она што тој го гледа како територија на неговата земја.

Би можело да ве интересира

Пронајдени делови од канадско производство во ирански дронови што ги користи Русија

Ана Ололовска

ВИДЕО: Путин се прошета преку мостот на Крим, гранатиран во октомври

Ана Ололовска

Истражување: Европејците поделени во нивната подготвеност да продолжат да ги поддржуваат украинските бегалци

Ана Ололовска

Инцидент во Молдавија: Граничната патрола открила падната ракета, не се знае од каде дошла

А1он

На Западот ќе му требаат до 15 години да ги надополни залихите на артилериска муниција потрошени за војната во Украина

А1он

ВИДЕО: Над 100 ракети се упатуваат кон Украина, прекин на струја и во Молдавија

А1он