Руски функционери тврдат дека поранешниот соработник на ЦИА, Едвард Сноуден ја прифатил понудата за азил на Венецуела.
Сеуште нама потврда на оваа информација, а само неколку часа претходно претседателот на Венецуела Николас Мадуро го повика Сноуден да се одлучи дали ќе долета во Каракас.
„Добивме писмо со барање за азил. Сноуден ќе мора да одлучи кога ќе дојде, ако конечно одлучи до долета во Каракас, им изјави Мадуро на новинарите во претедателската палата, пренесе АФП.
Во меѓувреме Врховниот суд на Ирска го отфрли предлогот на САД за апсење на Сноуден во случај да слета на ирска територија со образложение дека нема конкретни факти за неговата вина.
Сноуден има испратено барање за азил во 27 земји, но досега азил му понудија Венецуела, Никарагва и Боливија.