Словенија повеќе не ја смета Турција за безбедна земја

Словенечката Влада денеска усвои декрет за ажурирање на листата на безбедни земји, со што се додадени уште три држави, а отстранета е Турција.

Претходната листа на безбедни земји е составена во 2016 година, а нејзиното постоење значи дека Словенија веќе нема да ги враќа мигрантите или да ги екстрадира осомничените во држави кои не се наоѓаат на таа листа.

На листата се наоѓаат Северна Македонија, Србија, Бангладеш, БиХ, Египет, Црна Гора, Мароко, Тунис и трите дополнителни држави Грузија, Непал и Сенегал, односно земји кои не се членки на ЕУ, а кои врз основа на неколку фактори се вбројуваат во безбедни земји.

Некои од факторите се дека во земјата не се врши прогон, малтретирање, нехумано однесување или казнување, како и дека нема опасност од внатрешни или меѓународни судири.

Иницијативата Турција да се отстрани од листата е покрената минатата година, откако Словенија ги одби барањата за азил на 38 лица од Турција.

Таквиот потег следува откако шведски медиуми пред еден и пол месец објавија дека турската амбасада во Љубљана ги шпионира критичарите на турскиот претседател Реџеп Тајип Ердоган, кои живеат во Словенија и за кои постои сомнеж дека се приврзаници на исламскиот проповедник Фетулах Ѓулен.

Би можело да ве интересира

Седум исчезнати по поројни дождови во Турција

Ана Ололовска

Во автобуска несреќа загинаа 17 мигранти во источна Турција

Русија и ги понуди на Турција своите ловци Су-35

Турски научници предупредуваат за опасност од земјотреси во Истанбул

Ана Ололовска

Столтенберг: Ниту една земја членка на НАТО не побарала исклучување на Турција поради С-400

Ана Ололовска

Калин: Турција соодветно ќе одговори на нападот во Ербил