Австралискиот премиер Скот Морисон ја загуби власта откако земјата ја избра својата прва лабуристичка влада по речиси десет години, според локалните медиуми.
Лидерот на Лабуристичката партија, Ентони Албанес, ќе биде следниот премиер на Австралија, според проекциите на три големи информативни мрежи, пренесува Си-Ен-Ен.
Австралискиот премиер Скот Морисон изјави дека го признава поразот на денешните општи избори, додавајќи дека иако пребројувањето на гласовите не е завршено, се чини дека опозициската Лабуристичка партија ќе формира влада.
„Разговарав со лидерот на опозицијата и иден премиер Ентони Албанес и му честитав на изборната победа“, рече Морисон во телевизиско обраќање, пренесе Ројтерс.
Морисон додаде дека ќе поднесе оставка од позицијата лидер на Либералната партија.