Сириските владини сили влегоа во бунтовничкиот град Кан Шејхан во Идлиб

Од:

Сириските владини сили, поддржани од нивните руски сојузници, доцна синоќа влегоа во најголемиот град што е под контрола на бунтовниците во јужната провинција Идлиб, соопшти сирискиот Центар за мониторинг на човековите права, пренесе ДПА.

По силното целодневно воздушно бомбардирање и копнено гранатирање, сириските владини сили успеаја да влезат во северните и источните населби на Кан Шејхун, откако бунтовниците се повлекоа од областа, соопшти Центарот, чие седиште е во Велика Британија.

Најголемиот град на југот на Идлиб, Кан Шеихун, се наоѓа на меѓународниот автопат М5 Алепо – Дамаск, а, исто така, минува низ Хомс.

-Ова е клучна победа за силите на режимот, изјави за ДПА директорот на Центарот, Рами Абдел Рахман.

Активистите објавија видео снимки на социјалните медиуми на кои се гледа како десетици гранати паѓаат врз Кан Шејхун и напишаа „силите на режимот ја следат политиката на преземање на копнената контрола врз села и градови“.

Абдел Рахман претходно неделава предупреди дека доколку владата го преземе Кан Шеихун, „бунтовниците во областа на северниот регион Хама ќе бидат во тешка позиција. Или ќе мора да се повлечат или да се борат до крајот, бидејќи ќе бидат под опсада “.

Претходно, вчера тројца цивили беа убиени, а 12 повредени во напад на турски воен конвој во северозападна Сирија, соопшти турското Министерство за одбрана.

Центарот, исто така, соопшти дека сириските и сојузничките руски воени авиони ја нападнале областа каде минуваше турскиот воен конвој, принудувајќи го да запре во Маарет ал Нуман, во јужната провинција Идлиб.

„Режимот на Асад и неговите сојузници мора да го почитуваат прекинот на огнот во Идлиб“, рече портпаролот на американскиот Стејт департмент, Морган Ортагус на Твитер.

„Денешниот непромислен воздушен напад врз турскиот конвој следува во екот на злобните напади врз цивили, хуманитарни работници и инфраструктура“, додаде Ортагус.

Би можело да ве интересира

Москва и Анкара тврдат дека во Сирија имало околу 200 случаи на кршење на примирјето

Ана Ололовска

За пет дена нови 38.000 раселени во Сирија

Ердоган ја повика меѓународната заедница во Либија да не ги повтори грешките од Сирија

Ана Ололовска

ЕУ до Башар Ал Асад: Неприфатливо е таргетирањето цивили

Ана Ололовска

Најмалку 12 загинати при руски воздушни напади во Сирија

Ана Ололовска

ВИДЕО: Нападната руска база во Сирија, одбиен напад со дронови

Предраг Петровиќ