Сириските авиони изведоа напади врз турскиот конвој во Идлиб

Од:

Сириските военовоздухопловни сили извеле воздушни напади врз турскиот воен конвој во провинцијата Идлиб, јавија турските медиуми.

Конвојот се движел во реонот на градот Хан Шејхун меѓу турските пунктови за контрола на зоната на деескалација.

Засега нема информации за настрадани.

Претходно сириското министерство за надворешни работи соопшти дека турски оклопни возила со оружје, ја минале границата и влегле во Саракиб, а крајна цел им е градот Хан Шејхун.

Во соопштението на сириското министерство овој најнов случај се оценува како „скандалозно турско мешање“, пренесоа руските медиуми.

„Непријателското однесување на турскиот режим нема да се одрази на сириската офанзива кон Хан Шејхун“, уверува министерството.

Претходно руските медиуми соопштија дека силите на Башар Асад под своја контрола ставиле граничен премин во северозападните делови на Хан Шејхун, а градот што е под контрола на терористите е опколен.

Провинцијата Идлиб е последниот бастион на терористите во Сирија. Неодамна во Нурсултан ( доскорешна Астана) се оддржаа преговори за деескалација на ситуацијата во регионот, а на 2 август во Идлиб во сила влезе и договореното примирје.

Би можело да ве интересира

Стејт департментот ги смирува тензиите помеѓу Атина и Анкара

Ана Ололовска

Грција ќе распореди 400 полицајци на границата со Турција кај Еврос

Ана Ололовска

Путин и Кадими разговараа за ситуацијата во Сирија

А1он

Сириската опозиција зароби околу 30 цивили

Израелска армија: Иранските сили се повлекуваат од Сирија

А1он

Турција воведе дополнителни царински тарифи на повеќе од 800 производи

Ана Ололовска