Началникот на сириската воена полиција дезертираше и премина на страната на опозицијата и бунтот против режимот на Башар Асад.
Во видео-запис на ЈуТјуб, генерал Абделазиз Џасим аш Шалал вели дека преминува на страната на бунтовниците бидејќи армијата веќе не ги почитува своите обврски да ја заштитува државата и убива и руши.
Извор од сириските сили за безбедност потврди за дезертирањето на генералот, но го намали значењето на случајот со образложение дека Аш Шалал и без тоа требало да се пензионира. Десетици генерали минаа на страната на опозицијата од март 2011 година кога почна бунтот. Аш Шалал е еден од оние со највисок чин.