Младите синови на некои од најмоќните луѓе во Русија беа ставени „под микроскоп“ кога новинарите ги прашаа дали ќе се пријават да се борат во Украина.
Веднаш им ја спуштија слушалката околу десетина синови и зетови на високата политичка фела.
Алексеј Столјаров, 32-годишен фитнес блогер и зет на Сергеј Шојгу, рускиот министер за одбрана, бил на одмор во Непал кога разговарал со новинарите.
Тој одби да го коментира прашањето дали ќе одговори на поканата на Владимир Путин.
Илја Медведев (27), син на поранешниот претседател и заменик-претседател на рускиот Совет за безбедност Дмитриј Медведев, рече дека не добил покана за членство.
⚡️Dmytro Medvedev's son has had his US visa revoked. Ilya Medvedev must leave the States within two days.
Information about this is being circulated in the media and social networks, but there is no official confirmation yet. pic.twitter.com/kIV9r6aMTG
— FLASH (@Flash_news_ua) June 5, 2022
Александар Колоколцев, 39-годишниот син на рускиот министер за внатрешни работи Владимир Колоколцев, ги отфрли предлозите тој да волонтира, но рече дека ќе биде подготвен да замине во Украина доколку биде повикан.
„Како руски патриот и граѓанин, секогаш ќе се залагам за неа“, рече тој.
„Ќе се однесувам одговорно и ќе одам доколку бидам повикан и мобилизиран“.
Еден од двата сина на заменик-министерот за одбрана, 31-годишниот Заур Чаликов, ги отфрли предлозите тој да биде распореден во Украина.
„Што имам јас со вооружените сили? Има војници, луѓе со воени занимања. Јас не сум тоа“, рече тој.
Синовите на неколку други високи руски функционери одбија директно да зборуваат со новинарите.
Лиза Пескова, ќерка на портпаролот на Кремљ, Дмитриј Песков, објави антивоен слоган на својот Инстаграм ден по почетокот на инвазијата, но го избриша подоцна истиот ден.
Во август, рускиот политичар јавно ја осуди својата ќерка како „предавник“ затоа што зборуваше против „специјалната операција“, тврдејќи дека тој не бил вклучен во нејзиното воспитување од нејзината тригодишна возраст и сугерирајќи дека има проблеми со менталното здравје.
Рускиот пратеник Едуард Исаков изјави дека ја прекинал врската со својата 25-годишна ќерка Дијана „од моментот кога дознал дека таа има антируски став“.
Дајана Исакова на социјалните мрежи изрази силно противење на режимот на Путин и војната во Украина, поради што беше уапсена и испрашувана од ФСБ, по што побегна од Русија.