Земјотрес со јачина од 5,4 степени според Рихтеровата скала ги погоди денеска островите Рјукју на далечниот југозапад на Јапонија, соопшти Европскиот медитерански сеизмолошки центар (EMSC).
Епицентарот на земјотресот бил на длабочина од 10 километри, јави Ројтерс.
Претходно беше соопштено дека земјотресот бил со јачина од 5,8 степени.
Засега нема извештаи за евентуална материјална штета или повредени.