Си: Кина се соочува со сериозна ситуација, вирусот се шири

Од:

Кинескиот претседател Си Џинпинг одржа состанок на Политбирото на Комунистичката партија за мерките за борба против ширењето на коронавирусот, објави денеска државната кинеска телевизија.

– Земјата се соочува со сериозна ситуација во која коронавирусот брзо се шири, рече Си на состанокот.

Ресурси и експерти ќе бидат испратени во болниците за лекување на сериозни болести, третманот нема да биде одложен поради трошоците, а снабдувањето ќе биде загарантирано за провинцијата Хубеи и нејзиниот главен град, Вухан, пренесува ЦТВ.

Информациите за ширењето на вирусот мора да бидат точни, брзи и транспарентни, јавува оваа телевизија. Една од одлуките е да се формира работна група за борба против ширењето на вирусот.

Кинеските власти денеска воведоа забрани за сообраќај во уште три други градови за да спречат ширење на коронавирусот, поради што отсечени од светот се повеќе од 50 милиони луѓе во вкупно 16 градови.

Од новиот коронавирус, што избувна во кинескиот град Вухан, досега починаа 41 лице, а повеќе од 1.300 луѓе се заразени ширум светот.

Би можело да ве интересира

Во кинеската економија „вбризгани“ 112 милијарди долари поради епидемијата

А1он

„Теско“ дефинитивно се повлече од кинескиот пазар

Ана Ололовска

Кина бележи успех во спречување на пренесување на коронавирусот од човек на човек

Ана Ололовска

Кинески експерти и претставници на СЗО ја посетија провинцијата Хубеи

Ана Ололовска

Во Кина нови 508 заразени од коронавирус, во Јапонија почина уште еден патник од бродот „Дајмонд Принцес“

Ана Ололовска

Кина веќе разработила вакцина против новиот коронавирус, тврди кинескиот амбасадор во Москва

А1он