Кинескиот претседател Си Џинпинг, во говорот на виртуелниот собир во рамки на Светскиот економски форум во Давос, денеска предупреди дека глобалната конфронтација меѓу големите сили може да има „катастрофални последици“ .
Средбата во Давос се одржува онлајн наместо редовниот, годишен состанок во тој швајцарски град поради пандемијата Ковид-19.
Си повика на поголема соработка во борбата против Ковид-19 и вети дека ќе испрати дополнителни милијарда дози вакцини во други земји, а истовремено ги повика другите сили да го отфрлат менталитетот на Студената војна во „време на растечки геополитички тензии“. .
– Историјата многупати покажа дека конфронтацијата не ги решава проблемите, туку само води до катастрофални последици, рече Си, според официјалниот текст на неговиот говор.
– Нашиот свет денес е далеку од мирен. Има многу реторика што поттикнува омраза и предрасуди, оцени кинескиот претседател.
Извор: МИА