Швајцарците гласаа за автоматско донирање органи

Од:

Мнозинството гласачи во Швајцарија го поддржаа преминот кон автоматски систем за донирање органи, освен во случаите кога потенцијалниот донатор експлицитно се изјаснил против тоа пред неговата смрт, покажуваат излезните анкети по денешниот референдум.

dobivaj vesti na viber

Околу 59 отсто од гласачите ја поддржаа промената, покажува анкетата на Институтот за испитување на јавното мислење gfs.bern.

Промената на законот би значела дека пациентите кои имаат потреба ќе ги добијат органите многу побрзо бидејќи сите луѓе ќе се сметаат за донатори на органи, освен ако потенцијалниот донатор се изјаснил против тоа пред неговата смрт.

Во моментов е во сила закон кој бара од швајцарските граѓани да одлучат дали ќе станат донатори, но Владата води кампања за промена која ќе им овозможи на сериозно болните пациенти да добиваат донирани органи без долго чекање.

Второто референдумско прашање е дали Швајцарија ќе го зголеми финансирањето на Фронтекс, агенцијата за заштита на границите на Европската унија. Швајцарија е членка на Шенген зоната, каде што се укинати граничните контроли, но Владата предупредува дека членството на Швајцарија може да биде загрозено без поголеми придонеси.

Според првичните анкети, околу 72 отсто од гласачите поддржуваат зголемување на финансирањето на Фронтекс.

Третото прашање се однесува на измена на законот за филм, со кој се бара од радиодифузерите и давателите на стриминг услуги да инвестираат четири отсто од своите приходи во швајцарската филмска продукција. Стриминг компаниите треба да понудат и најмалку 30 проценти од европските филмови или серии, како што е случајот во Европската унија.

Околу 72 отсто од гласачите го поддржаа предлогот, според излезната анкета.

Повеќе од 90 отсто од швајцарските гласачи главно гласаат по пошта.

Би можело да ве интересира

Швајцарија ја легализира употребата на канабис за медицински цели

А1он

Германија и Швајцарија апсеа членови и поддржувачи на „Исламска држава“

Ана Ололовска

Швајцарија не и дозволи на Данска реекспорт на оружје за Украина

Ана Ололовска

Швајцарија бара пристап до доверливи банкарски податоци

Швајцарија ќе купува 36 борбени авиони Ф-35А

Ана Ололовска

Швајцарија му даде уште време на Северен поток 2 за подмирување на финансиите

Ана Ололовска