Уставниот суд на Шпанија ја поништи резолуцијата на Владата на Каталонија која предвидува референдум за независност на автономната област, јави ТАСС.
Судот наведе дека донел одлука, откако го разгледал барањето на шпанската Влада за референдумот. Ова е последната фаза од правната битка меѓу централната шпанска Влада и сепаратистички настроените регионални каталонски власти.
Каталонија соопшти дека ќе спроведе референдум за независност до септември следната година.
Судот во 2014 година спречи обид за ваков референдум.
Шпанската Влада тврди дека Уставот не дозволува ниту отцепување, ниту референдум.
Анкетите покажуваат дека Каталонците се на половина поделени по прашањето дали областа треба да остане дел од Шпанија или да добие независност.