Шпанскиот премиер Мариано Рахој ја поздрави одлуката на каталонските власти за откажување на референдумот за независност на североисточната автономна област, закажан за 9 ноември.
– Тоа е одлична вест. Почитувањето на законот е обврска, која важи за сите, рече Рахој. Тој најави започнување на преговори со Каталонија.
Шпанските медиуми соопштија дека каталонските лидери синоќа одлучиле да го откажат рефрендумот, откако Уставниот суд го забрани времено. Претседателот на Каталонија Артур Мас ќе одржи прес-конференција, на која се очекува да ја објави одлуката.