Шпанија со закон ќе забрани да се велича диктаторот Франко

Од:

Новиот „закон за демократско сеќавање“ во Шпанија има за цел да ја забрани фондацијата која го промовира наследството на генералот Франциско Франко, како и да им обезбеди репарации на жртвите на покојниот диктатор.

Законот, исто така, има за цел ќе го отвори патот за претворање на Долината на заганатите, мавзолејот што Франко нареди да се изгради и каде што повеќе од четири децении лежеа неговите посмртни останки, во цивилни гробишта за жртвите од двете страни на граѓанската војна од 1936-1939 година, изјави денеска вицепремиерката на шпанската Влада, Кармен Калво, јавија американските медиуми.

Законот е клучно изборно ветување на лидерот на социјалистите Педро Санчез, кој минатата година ги ексхумираше и премести останките на Франко на мали гробишта во Мадрид за време на неговиот прв краток мандат како премиер.

Санчез сега е во левичарска коалиција со крајно левичарската партија Обединети можеме (Унидас Подемос), а неговиот кабинет денес го одобри новиот нацрт-закон.

Може да поминат и месеци додека не се усогласи нацрт-законот и ги мине сите потребни нивоа на одобрување во парламентот.

Еден од најконтроверзните аспекти на предлог-законот е забраната на организации кои имаат потреба од јавно финансирање или од намалување на даноците, а истовремено го бранат франкоизмот.

Би можело да ве интересира

Шпанија прогласи вонредна состојба, се подготвува полициски час во речиси целата земја

Жарко Настоски

Шпанските региони ја повикаа шпанската Влада да воведе вонредна состојба

А1он

Шпанија: Епидемијата со Ковид-19 е вон контрола

Ана Ололовска

На 99 години го победи Ковид-19, па им се врати на видеоигрите

Ана Ололовска

Шпанија стана прва европска земја со над милион заразени со коронавирус

Жарко Настоски

Шпанските власти размислуваат за вонредна состојба и полициски час

Жарко Настоски