Шпанија денеска се приклучи на француско-германскиот проект за изградба на борбени авиони од новата генерација, што е иницијатива која се смета за клучна за да се осигури дека Европа може да се брани и дека не е зависна од сојузниците во се понесигурниот свет.
Дасаулт Авиејшен и Ербас ќе направат воен авион, кој ќе биде оперативен од 2040 година, со цел Дасаулт Рафал и германскиот Еврофајтер да се заменат со време.
Министрите за одбрана на Франција, Германија и Шпанија потпишаа договор за започнување на трилатералната рамка за соработка на 53-от Меѓународен саем за воздухопловство во Париз.
Министрите седеа пред моделот на авионот, а францускиот претседател Емануел Макрон аплаудираше зад нив. Францускиот Сафран и германскиот МТУ Аеро енџинс заеднички ќе развиваат нови мотори за авиони.
Се очекува француската и германската влада да ги вложат првите четири милијарди евра до 2025 година, од кои Франција, лидер на проектот, ќе даде сума од 2,5 милијарди евра, информира француското Министерство за одбрана.