Шпанија потврди дека до пролет ќе испрати одреден број борбени тенкови Леопард 2 во Украина, изјави синоќа шпанската министерка за одбрана Маргарита Роблес.
Таа ја потврди веста веднаш откако Германија соопшти дека ќе донира голем број тенкови и ќе им дозволи на сојузниците на Украина да го сторат истото.
Тенковите „Леопард 2“ ќе бидат стационирани во воената база во Сарагоса, а во наредните месеци ќе бидат испратени во Украина. Точниот број на тенкови не е потврден.