Шолц: Убаво е да се види како сите ѝ помагаме на Украина, парично и со испорака на оружје

Од:

Германскиот канцелар Олаф Шолц денеска предупреди дека самитот на 44-та шефови на држави или влади во Европа, што почна во Прага, не може да го игнорира рускиот напад на Украина.

– Убаво е да се види како сите ѝ помагаме на Украина, парично и со испорака на оружје, истакна Шолц.

Како и францускиот претседател Емануел Макрон, Шолц исто така ја нагласи потребата цела Европа солидарно во енергетската криза да обезбеди помош за домаќинствата и компаниите. Макрон и Шолц сметаат дека треба да се поддржи европската стратегија за намалување на цените на енергијата.

Шолц потсети дека не е загрозена само Европа, туку и азиските сојузници, како Јапонија или Јужна Кореја.

Домаќинот на самитот, чешкиот премиер Петр Фијала посочи дека важен е сигналот до Русија, дека без неа се состануваат лидерите на целиот континент, а не само на Европската Унија.

– Тоа, без сомнение, е важен сигнал за Владимир Путин дека сите европски лидери се сретнаа и го решаваат тоа што ги мачи, додаде меѓу другото Фијала.

И претседателот на Франција и премиерите на Германија и Чешка се согласни дека Европската политичка заедница не смее да стане некоја нова институција со бирократија, какви што ги има доволно во Европа, а исто така не е замена за процесот на проширување на Европската Унија.

– Тоа е голема иновација. Немаме јасна агенда, не мора да се донесуваат заклучоци, можеме да разговараме. Разговорите се добри за мир, економска стабилност, просперитетот на земјите. ЕУ така може да ги подобри односите со соседните земји што сè уште не се нејзини членки, подвлече Шолц.

Според Фијала, од самиот почеток било договорено да не се создава нова институција.

Извор: МИА

Би можело да ве интересира

Шолц има корона

ВМРО-ДПМНЕ: СДС да го повикаат Шолц, претседател на нивна сестринска партија, како што го убедил Орбан да излезе од состанок на кратко истото да го направи и со Бугарија

Предраг Петровиќ

Шолц најави кратења: Ги намалува трошоците и субвенциите, поддршката за Украина останува

Горан Наумовски

Шолц: Вучиќ и Курти ќе го спроведат договореното

Горан Наумовски

Разговор кој може да го промени текот на војната: Шолц сака да зборува со Путин и да побара од него една работа

Ана Ололовска

Time го вклучи Шолц на листата на 100 највлијателни луѓе во 2023 година

Ана Ололовска