Шолц го повика Путин да се согласи на прекин на огнот во Украина

Од:

Канцеларот Олаф Шолц во телефонскиот разговор со Владимир Путин го повика рускиот претседател што побрзо да се согласи на прекин на огнот во Украина, изјави портпаролот на германската Влада.

Шолц го потсетил Путин и на одговорноста на Москва за глобалната ситуација со храна.

– Примирјето е неопходно да се подобри хуманитарната ситуација во Украина и да се овозможи напредок во изнаоѓање на дипломатското решение за судирот, истакна портпаролот на германската Влада.

Претходно Кремљ соопшти дека Путин во телефонскиот разговор со Шолц „ги презентирал логиката и основните задачи на руската операција во Украина“.

– Владимир Путин детално ги наведе логиката и главните задачи на специјалната воена операција за заштита на народните републики во Донбас, а зборуваше и за мерките преземени за обезбедување на безбедноста на цивилното население, се наведува во соопштението на Кремљ.

Путин, според Кремљ, го информирал Шолц и за учеството на претставници на ОН и на Меѓународниот комитет на Црвениот крст во евакуацијата на цивили од челичарницата Азовстал во Мариупол.

Извор: МИА

Би можело да ве интересира

Зеленски побара помош од САД против рускиот „воздушен терор“

Кулеба го повика Западот да испрати системи за воздушна одбрана „Патриот“ во Украина

Горан Наумовски

Зеленски го разреши секретарот на Советот за национална безбедност

Политико: На Украина очајно и требаат војници

(ВИДЕО) Силни експлозии во Киев

Горан Наумовски

Одеса остана без струја, цел беше и регионот на Миколаев