Шест опозициски партии ги здружија силите да го победат Ердоган на следните избори во Турција

Од:

Парламентарните и претседателските избори ќе се одржат во Турција во јуни 2023 година. Шест опозициски партии ги здружија силите. Тие сакаат да испратат заеднички кандидат на претседателските избори.

По неколкугодишни преговори, на крајот на минатата година, турската опозиција конечно најде сили да формира сојуз под името „Шест на маса“ (Алтили Маса). Се состои од шест политички партии, чија соработка се чинеше незамислива до пред само неколку години.

Нивните најважни цели се: да се стави крај на долгорочната доминација на владејачката партија АКП на Ердоган и да се врати земјата во парламентарен систем со цел да му се одземе на претседателот дел од неговиот авторитет и моќ. Ова треба да биде во согласност со волјата на многу гласачи.

Имено, во неодамна објавениот извештај на турскиот институт за истражување на јавното мислење „Џонјлем“, 65 отсто од сите испитаници се за враќање во парламентарниот систем, додека само нешто помалку од 30 отсто од нив сакаат да се задржи сегашниот систем. Во истата анкета, околу 63 отсто од луѓето изразиле мислење дека Турција е „лошо управувана“ под АКП, а 58 отсто рекле дека „дефинитивно не сакаат да гласаат“ за актуелниот претседател Ердоган на следните избори.

Би можело да ве интересира

Силен земјотрес во Турција, кај Анталија се тресеше со јачина од 4,8 степени

Катерина Ѓуровски

Силен земјотрес ја погоди Турција

Ердоган: Дајте и шанса на дипломатијата, Турција е подготвена да биде домаќин на преговорите меѓу Русија и Украина

Горан Наумовски

Ердоган: Турција ќе ги искористи сите расположливи средства за да го запре угнетувањето во Газа

ВИДЕО: Полета првиот турски борбен авион од 5-та генерација

Силен земјотрес ја погоди Турција

Горан Наумовски