Инженерите го вратија снабдувањето со електрична енергија на 65 отсто од Херсон, откако целиот град вчера утро остана без струја по руското гранатирање, објави на Телеграм Јарослав Јанушевиќ, шеф на Воената управа на регионот Херсон.
„Благодарение на професионалноста и херојството на поправните екипи кои по непријателското гранатирање без одмор работеа на далноводите во Херсон, 65 отсто од градот сега има струја“, напиша Јанушевиќ.