Северна Кореја петти ден по ред има повеќе од 200.000 новоинфицирани со коронавирус

Од:

Северна Кореја петти ден по ред објави дека има повеќе од 200.000 новозаразени пациенти кои страдаат од треска предизвикана од епидемијата на Ковид-19, со што бројот на вакви случаи надмина повеќе од два милиона, јавија денеска јужнокорејската новинска агенција Јонхап, цитирајќи ја севернокорејската државната телевизија.

dobivaj vesti na viber

Актуелниот бран на инфекции со Ковид-19 во Северна Кореја, објавен минатата недела, предизвика загриженост за недостаток на вакцини, несоодветна медицинска инфраструктура и потенцијална криза со храна во оваа 25-милионска земја, која одбива странска помош додека ги држи границите затворени.

Вчеравечер имало 219.030 нови лица со знаци на треска, со што вкупниот број на такви случаи достигна 2.460.640, соопшти Корејската централна телевизија (КЦТВ), цитирајќи податоци од државната администрација за борба против епидемијата.

Бројот на умрени досега достигна 66.

Јонхап не соопштува колку лица биле позитивни на Ковид-19, а западните медиуми не се во можност засега да добијат независна потврда за податоците.

Со оглед на фактот дека во Северна Кореја нема национална кампања за вакцинација, додека капацитетот за тестирање е ограничен, експертите проценуваат дека податоците објавени од државните медиуми би можеле да бидат потценети и дека е тешко да се процени големината на бранот на пандемијата.

Извор: МИА

Би можело да ве интересира

Северна Кореја: Заедничките вежби на САД, Јужна Кореја и Јапонија вовед во азиската верзија на НАТО

Ана Ололовска

Во Албанија 550 нови случаи со Ковид-19, највисок број во последните три месеци

А1он

Над 20.000 нови случаи на Ковид-19 во Грција

А1он

ЕУ ја продолжи употребата на сертификатот за Ковид-19 до јуни 2023 година

Ана Ололовска

Кина ги преполови карантинските денови за патниците кои пристигнуваат од странство

Ана Ололовска

Нов бран на коронавирус во Европа, новите соеви ја избегнуваат имунолошката заштита

Ана Ололовска