Северна Кореја ја преживува најтешката суша од 2001 година, економијата покажува најголем раст

Од:

Северна Кореја ја преживува најтешката суша од 2001 година досега, која на земјоделските култури им нанела сериозни штети, пренесе ДПА, повикувајќи се на извештај на Организацијата за храна и земјоделие на ОН (ФАО).

dobivaj vesti na viber

ФАО повика на земјата да и се даде итна помош, дополни ТАСС.

Последната најтешка суша во Северна Кореја, од 2001 година, траеше 300 дена и тогаш во земјата имаше голема глад. Исто така, и 90-те години на минатиот век беа години на глад во Северна Кореја и се смета дека тогаш починале меѓу неколку стотини илјади до неколку милиони лица.

Очекувањата се дека ќе се влоши ситуацијата со сушата во земјата, бидејќи во принцип на крајот од јули во неа врнат дождови, а доцните дождови не дозволуваат садење на главните сезонски култури, од кои реколтата се собира меѓу октомври и ноември, предупредува Организацијата за храна и земјоделие на ОН.

Околу 70 проценти од 25-милионското севернокорејско население страдаат од несигурност во исхраната, покажуваат податоците на Светската програма за храна.

Истовремено, денеска беше објавено дека севернокорејската економија се зајакнала со најбрзото темпо во последните 17 години. Податоците за економскиот раст во 2016 година ги објави јужнокорејската Централна банка, пренесоа британските медиуми.

БДП-то на Северна Кореја во изминатата година се зголемил за 3,9 проценти во споредба со претходната година. Растот главно се должи на рударскиот сектор и енергетиката. Во овие области растот во 2016 година изнесувал 6,1 проценти повеќе во споредба со 2015 година. Извозот на земјата е зголемен за 4,6 проценти. БДП-то по глава на жител во 2016 година бил 1,5 милиони вони (1.136 долари).

Северна Кореја, во принцип, не ги објавува податоците за состојбата во нејзината економија, а овие податоци секоја година ги објавува јужнокорејската Централна банка.

Би можело да ве интересира

Северна Кореја прогласи победа над коронавирусот и го обвини Сеул за избувнувањето

Ана Ололовска

Најнова вест од западните медиуми: Путин бара помош од Северна Кореја

Пелоси изрази загриженост заради растечките тензии на Корејскиот полуостров

А1он

Северна Кореја: Короната ни дојде од Јужна Кореја преку „неидентификувани работи“

Северна Кореја: Заедничките вежби на САД, Јужна Кореја и Јапонија вовед во азиската верзија на НАТО

Ана Ололовска

Ким нареди зајакнување на одбранбените капацитети на Северна Кореја

Ана Ололовска