Сенатот на САД ја потврди Џина Рајмондо за секретар за трговија

Од:

Американскиот Сенат со 85 наспроти 15 гласа ја потврди гувернерката на Род Ајленд Џина Рајмондо за шефица на американскиот Секретаријат за трговија.

Рајмондо, демократка избрана од претседателот Џо Бајден, ќе го надгледува Секретаријатот за трговија и неговите бироа, кои имаат околу 46.000 вработени.

Одделот вклучува Национална администрација за телекомуникации и информации, Попис на САД, Национална управа за океани и атмосфера, Национална метеоролошка служба и Служба за надворешна трговија, која помага во преговарање за трговски договори и ги спроведува законите за трговија и национална безбедност, известува Гласот на Америка.

На сослушувањето за потврда на изборот, Рајмондо вети дека ќе ги заштити американските телекомуникациски мрежи од кинески компании.

Но, вчера, таа одби да се обврзе дека ќе ја задржи телекомуникациската компанија Хуавеи на американската економска црна листа.

Одделот за трговија под раководство на поранешниот претседател Доналд Трамп ја таргетираше Кина на многу фронтови, додавајќи десетици кинески компании на трговската црна листа, вклучувајќи ги и Хуавеи, најголемиот производител на чипови во земјата СМИЦ, Хиквижн и производителот на беспилотни летала СЗ ЏИ Технолоџи.

Во писмените одговори до пратениците, Рајмондо рече дека „нема причина да верува“ дека споменатите кинески компании не треба да бидат на црната листа на трговија.

„Не треба да имаме илузии за целите на Кина, за кои верувам дека се поткопување на долгогодишната технолошка предност на Америка и да се истисне САД како глобален лидер во врвни истражувања и развој и индустријата за иднината“, потенцираше Рајмондо.

Би можело да ве интересира

Бајден ја почна процедурата за реформа на Врховниот суд

Жарко Настоски

Псаки: САД разговараат со сојузниците за прераспоредувањето на руски трупи во близина на Украина

Ана Ололовска

Бајден: Оруженото насилство во САД е меѓународна срамота, преземаме чекори

Жарко Настоски

Во САД се испитуваат алергиските реакции на вакцините на „Фајзер“ и „Модерна“

Жарко Настоски

Амнести Интернешнл: Лани во САД влошена ситуацијата со човековите права

Ана Ололовска

За САД разговорите со Иран за нуклеарниот договор се конструктивни

Ана Ололовска