Сенатот ја потврди номинацијата на Шермен за заменик државен секретар на САД

Од:

Американскиот сенат ја потврди номинацијата на американскиот претседател Џо Бајден за Венди Рут Шермен да ја преземе функцијата заменик државен секретар на САД.

Со гласовите на неколку републикански сенатори, номинацијата на Шермен (71) беше потврдена со 56 гласа „за“ и 42 „против“.

Венди Шермен е ветеран во надворешната политика на САД, позната по својот придонес за време на администрацијата на претседателот Барак Обама за време на преговорите за иранскиот нуклеарен договор во 2015 година, на кој остро се спротивставија републиканците и некои демократи.

Говорејќи како номинирана за нова позиција во Стејт департментот пред сенатскиот комитет во март, таа вети дека ќе се заложи за нов пристап кон Иран, бидејќи, како што предложи, „политиката кон Иран мора да биде втемелена во сегашноста, а не во носталгијата за минатото”.

Таа ја почна својата дипломатска кариера во 1993 година под претседателство на Бил Клинтон и оттогаш извршуваше важни владини функции во Стејт департментот во сите администрации на Демократската партија.

Би можело да ве интересира

При крај се залихите на бензин во Вашингтон

Ана Ололовска

„Амазон“ вработува 75.000 луѓе во САД и Канада, ќе им даде по 100 долари на вакцинираните

Жарко Настоски

САД: Вакцинирани сите конгресмени-демократи

Жарко Настоски

Борел: Европската Унија не може ништо, само САД можат да го запрат Израел

Катерина Павлова-Николовска

САД: Целосно вакцинираните луѓе не мораат да носат маски и да држат дистанца

Жарко Настоски

Лотарија со награди од еден милион долари ја стимулира вакцинацијата во Охајо

Ана Ололовска