Сенатот го потврди именувањето на Лојд Остин за шеф на Пентагон

Од:

Американскиот Сенат го потврди денеска со мнозинство гласови именувањето на поранешниот генерал Лојд Остин за министер за одбрана на САД, со што ќе стане првиот Афроамериканец кој ќе го предводи Пентагон.

Остин (67) е втор член во администрацијата на новиот претседател на САД, Џо Бајден, чија номинација е одобрена во Конгресот, по потврдата на именувањето на директорката на Разузнавачките служби Еврил Хејнс.

Номинацијата на Остин е потврдена со 93 гласа „за“ и два „против“ во сенатот, кој има 100 членови.

Се очекува во следните денови да бидат одобрени и другите именувања на Бајден во неговиот тим за национална безбедност, вклучувајќи го и Ентони Блинкен за државен секретар на САД.

Бајден очекува од Остин да ја врати стабилноста на чело на Пентагон, каде за време на мандатот на администрацијата на Доналд Трамп беа сменети двајца министри, а четворица биле вршители на должност.

Би можело да ве интересира

Девојче го нашле мртво во голема цевка, мајката очајна го тужи хотелот

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана