Семејствата на околу 2.000 лица умрени од коронавирус го тужат британскиот премиер Борис Џонсон

Од:

Британскиот премиер, Борис Џонсон, се соочува со тужба од околу 2.000 семејства кои загубиле еден или повеќе членови на нивните семејства поради коронавирусот.

Досега во Велика Британија од Ковид-19 умреа 124.419 лица, што е најголем број на смртни случаи во една европска земја. Велика Британија, притоа, е петтата земја во светот според смртоноста, веднаш зад САД, Бразил, Мексико и Индија.

Весникот „Дејли меил“ денеска пишува дека новоформираната група „Ожалостени семејства кои бараат правда“ сака да ја принуди владата да спроведе јавна истрага за начинот на кој Велика Британија се бори против пандемијата.

Група адвокати од канцелариите на Пит Ведерби и Елкан Албрахамсон овој месец ќе им пишат на министрите за да ги информираат дека се спроведува судска постапка пред Високиот суд.

Досега, Џонсон одбиваше да нареди експертско истражување на владиниот одговор на пандемијата на коронавирусот, барајќи прво сакал да се намали ризикот од нови инфекции.

Адвокатите велат дека огромен број Британци умреа „непотребно, поради грешки на владата“ и дека истрагата мора да се спроведе и поради човековите права, пишува лондонски „Тајмс“.

Оваа група ожалостени семејства сакаат да спречат повторно да има голем број смртни случаи, и по тој повод тие напишаа порака на нивната веб-страница: „Членовите на семејствата и државата заслужуваат одговори“.

Би можело да ве интересира

Србија се поблиску до колективен имунитет, вакцинирани речиси три милиони граѓани

А1он

Бразил е во „вистински пекол“ со коронавирусот, алармира СЗО

Жарко Настоски

Унгарија: Светска и олимписка шампионка во стрелаштво почина од Ковид-19

Жарко Настоски

Заев изрази сочувство до Бакингемската палата за смртта на принцот Филип

Жарко Настоски

Актерот Бенeдикт Камбербач е уверен дека тој бил нултиот пациент со коронавирусот

Жарко Настоски

Србија размислува за воведување задолжителна вакцинација на здравствените работници

Ана Ололовска