Околу 20 проценти од населението на Белгија во моментов има антитела против коронавирусот, а здравствените власти предупредуваат дека колективен имунитет може да се појави само кога најмалку 70 проценти од популацијата е имуна.
Најголем број на луѓе со антитела е забележан во регионот на Валонија (27 проценти), во Брисел (23), додека во Фландрија е забележан пад од 12 на девет проценти на оние кои имаат антитела на Ковид-19.
Во Белгија досега се вакцинирани 3,1 процент од граѓаните, што ги става пред соседните Германија и Франција (и по 2,8 проценти), Луксембург (2,3) и Холандија (1,1).
Пред Белгија, според процентот на вакцинирана популација, се Данска (4,1 процент), Ирска (4,1), Романија (3,7), Финска (3,3) и Шведска и Полска (3,2).