Секој дванаесетти Белгиец размислувал за самоубиство во изминатите три месеци

Од:

Институтот за јавно здравје на Белгија ги мери и психолошките последици од кризата со коронавирусот и од рестриктивните мерки врз населението, а заклучоците се загрижувачки.

Осум проценти од луѓето, или приближно секој дванаесетти Белгиец „сериозно“ размислува да посегне по сопствениот живот во последните три месеци, а околу 0,4 проценти се обиделе да се самоубијат, открива студијата на Институтот.

Анкетата е спроведена од 28 мај до 3 јуни врз примерок од 34.000 испитаници.

Институтот заклучува дека социоекономските импликации од кризата имале најголемо влијание врз населението.

Па така, 22 отсто од населението бележи влошување на својата финансиска состојба од почетокот на кризата, а со најголеми тешкотии за плаќање фактури се соочиле самохраните родители привремено невработени.

Секој десетти Белгиец стравувал дека ќе остане без храна, а сличен процент од испитаните не можеле да си дозволат здрава исхрана.

Пет отсто од населението навистина се соочило со недостиг на храна, велат од Институтот.

Од анксиозност и депресија се најпогодени белгиските граѓани кои живеат сами, како и самохраните родители.

Психолозите и психотерапевтите исто така констатирале поголеми суицидни тенденции кај своите пациенти.

„Кревкоста на безбедносните системи, банкроти, губење работи, светот што се менува, сето тоа може да предизвика неизвесност, анксиозност и страв од колективна или лична пропаст,“ порачуваат од Центарот за превенција на самоубиства.

Би можело да ве интересира

ЕМА го разгледува лекот сотровимаб како терапија против Ковид-19

Ана Ололовска

Нова теза на американските лекари: Ковид-19 не е респираторна, туку болест на крвните садови

Ана Ололовска

Вакцинираните во Германија од недела ќе бидат ослободени од многу мерки

Ана Ололовска

Јапонија ја продолжи вонредната состојба до крајот на мај

Ана Ололовска

Кипар воведува CoronaPass задолжителен за угостителски објекти, молови, хотели, цркви

Ана Ололовска

Борел: Со сегашното темпо, светот нема да се вакцинира пред 2023 година

Ана Ололовска