Индонезиски патнички авион денеска изгуби контакт со контролата на лет, и најверојатно удри во планина поради што погинаа сите патници кои се наоѓаа во него, изјави неименуван извор од авиокомпанијата.
За сега нема потврда на оваа информација, а потрагата за исчезнатиот авион е прекината во вечерните часови и ќе продолжи утре изутрина.
Авионот “ATR 42”, на индонезиската компанија “Trigana er”, во кој се наоѓаа 54 патници и членови на екипажот изгуби контакт со контролата на летот додека леташе над пределот на провинцијата Папуа на крајниот исток на Индонезија. Шефот на индонезиската национална упраава за потрага и спасување Бамбанг Соелистјо за агенцијата Ројтерс потврди дека е игубен контактот со авионот.
На Твитер налогот на агенцијата Басарнас се наведува дека авионот кој летал на домашна линија и припаѓа на компанијата “Trigana er” и дека во него се наоѓале 44 возрасни патници, пет деца и пет членови на екипажот. Авионот “ATR 42” изгубил контакт после половина час од полетувањето од аеродромот Сентани во престолнината Папуа, Џајапури, на летот до Оксибил кој требало да трае околу 45 минути.
-Не сме сигурни што се случи со авионот и соработуваме со локалната власт, изјави портпаролот на министерството за внатрешни работи на Индонезија. Според информациите, временските услови се лоши, облачно е, и е ноќ, што не е поволно за продолжување на потрагата. Индонезија има лоша репутација кога станува збор за безбедноста во авио сообраќајот.