Се шират видовите коронавирус што се класифицираат како „загрижувачки“

Од:

Во светот во текот на изминатат недела се регистрирани над 2,6 милиона нови случаи на коронавирус и 57.000 смртни случаи, соопшти денеска Светската здравствена организација.

Од вкупниот број на новоинфицирани, 10 проценти се регистрирани во Европа, или 372.000. Инциденцата на инфекцијата скокна за два процента, додека бројот на смртни случаи е опаднат за 10 проценти, што е најниско ниво од ноември 2020 година.

„На глобално ниво, инциденцата на Ковид-19 останува многу висока и дневно се пријавуваат над 370. 000 случаи“, соопшти СЗО во неделниот епидемиолошки билтен.

Од друга страна, продолжува да опаѓа бројката на умрени од болеста. Според СЗО, коронавирусот досега е идентификуван кај повеќе од 180 милиони лица, а досега умреле 3,9 милиони луѓе.

Најголемо зголемување на нови случаи е регистрирано во Африка, во источен Медитеран и Европа, додека бројката на новозаболени е намалена во регионот на западен Пацифик и југоисточна Азија.

Според СЗО, се шират видовите на вирусот што се класифицираат како „загрижувачки“. Тоа особено се однесува на алфа сојот, што беше откриен во Велика Британија, а веќе е регистриран во 172 земји, бета сојот со потекло од Јужна Африка сега циркулира во 120 земји, бразилскиот гама сој во 72, додека индискиот сој само во последната недела е проширен во уште 11 земји и сега е регистриран во вкупно 96 држави од светот.

Би можело да ве интересира

Од почетокот на годината, смртноста од Ковид-19 е намалена за 95 отсто

Се појавија нови информации за потеклото на короната: СЗО бара Кина да ги објави

Катерина Ѓуровски

Папа Франциск: За време на пандемијата и војната во Украина, ОН ги покажаа своите ограничувања

Европската агенција за лекови ја препорача адаптираната бустер вакцина на Фајзер

Еден од осум луѓе кои страдаат од коронавирус развива најмалку еден симптом на долгорочен ковид

Катерина Ѓуровски

Коронавирусот е направен во лабораторија тврди руското Министерство за одбрана