Се активира вулкан на Филипините, можна евакуација

Од:

Филипинскиот институт за вулканологија и сеизмологија соопшти дека постојат знаци дека вулканот Канлоан на островот Негрос е активен, што може да доведе до евакуација на локалното население.

Институтот потврди дека се забележани знаци кои укажуваат дека вулканот Канлоан е активен. Десетици помали земјотреси се регистрирани на неговиот западен дел, додека претходната ноќ избувна облак од пареа во висина од 300 метри. Сето тоа, заедно со испакнатоста на вулканот, укажуваат на хидротермална активност.

Властите издадоа предупредување во март, кога вулканот започна да покажува знаци дека излегува од неактивниот период, кои се засилија во текот на претходната недела.

Повеќе од 20.000 луѓе во осум села во радиус од шест до 12 километри околу Канлоан би можеле да бидат евакуирани доколку се појави вулканска ерупција.

Официјалните лица во моментот вршат избор на центри за евакуација каде може да се обезбеди и почитување на мерките за физичка дистанца со цел заштита од коронавирусот. На Филипините досега се пријавени над 32.000 случаи на заразени со Ковид-19 и 1.204 смртни случаи, најмногу во Југоисточна Азија. 

Би можело да ве интересира

Најмалку девет жртви во немири во затвор на Филипините

Ана Ололовска

Филипинскиот претседател Дутерте се закани дека ќе го укине Фејсбук на Филипините

Ана Ололовска

Земјотрес со јачина од 6,3 степени ги погоди Филипините

Ана Ололовска

Вулканите на Курилските острови го загрозуваат воздушниот сообраќај

Ана Ололовска

Најмалку 10 загинати, и повеќе десетици повредени во двата бомбашки напади во Филипини

Ана Ололовска

Најмалку девет загинати во две експлозии на Филипините

Ана Ололовска