Саудискиот крал Салман направи операција на жолчката

Од:

Саудискиот крал Салман бин Абдулазиз е успешно опериран, соопштија денеска властите во Саудиска Арабија, само неколку дена откако беше примен во болницата поради воспаление на жолчното ќесе.

Кралот го оперирале хирурзи во специјалистичката болница „Кинг Фајзал“ во Ријад, јави  државната новинска агенција СПА, објаснувајќи дека интервенцијата е извршена лапароскопски, што е постапка со низок ризик со која вообичаено се изведуваат само мали резови и со мала камера што им помога на хирурзите во работата.

Кралот Салман (84)  ќе остане во болницата извесно време на закрепнување и медицински надзор, наведува СПА, повикувајќи се на изјава на саудиската кралска канцеларија.

Кралот Салман е на власт од јануари 2015 година. Тој е последниот саудиски монарх од генерацијата на неговите браќа кои ја задржаа власта уште од смртта на нивниот татко и основач на Саудиска Арабија, кралот Абдулазиз.

Неговата здравствена состојба внимателно се следи заради апсолутните овластувања што го има како шеф на земја – една од најголемите светски производители на нафта и една од најголемите светски економии.

Би можело да ве интересира

Стејт департментот одобри можна продажба на оружје за Саудиска Арабија за 290 милиони долари

Ана Ололовска

Саудиска Арабија ги суспендира сите меѓународни летови

Ана Ололовска

„Хјуман рајтс воч“: Саудиска Арабија малтретира мигранти

Жарко Настоски

Хутите тврдат дека нападнале нафтена постројка во Саудиска Арабија

Жарко Настоски

После 30 години, Ирак и Саудиска Арабија ја отворија границата

Ана Ололовска

Саудиска принцеза ограбена во Париз – крадците „се омрсиле“ со 600.000 евра во накит, чанти и крзно

Жарко Настоски