Саудискиот гигант Арамко е цел на компјутерски напад, хакерите наводно бараат 50 милиони долари

Од:

Една од најголемите светски нафтени компании, Сауди Арамко, потврди дека податоци на компанијата протекле од еден од нејзините изведувачи на работи.

Британскиот јавен сервис Би-Би-Си додава дека податоците кои протекле сега наводно се користат како средство за изнуда на 50 милиони долари од компанија од Саудиска Арабија.

Арамко во имејл со Би-Би-Си наведе дека „неодамна дознал за индиректно откривање на ограничена количина податоци за компанијата со кои располагале независни изведувачи на работи“.

Саудискиот енергетски гигант не соопшти за која компанија станува збор, ниту дали изведувачот бил хакиран или податоците протекле на друг начин.

– Протекувањето на податоците не се случи со пробивање на нашиот систем, настанот нема никакво влијание врз нашиот бизнис, а компанијата продолжува да одржува силна кибер безбедност, додаваат од Арамко.

Изнудувачите се здобиле со еден терабајт податоци на Арамко, јавија претходно некои светски агенции повикувајќи се на веб-страница на darknet (дел од шифрирана мрежа на Интернет што е достапна само преку специјализирани алатки кои овозможуваат анонимност).

Би можело да ве интересира

Саудискиот крал го отпушти шефот на безбедноста поради корупција

Ана Ололовска

Во Саудиска Арабија уапсени над 200 државни службеници поради корупција

Саудиска Арабија овозможува аџилак за одреден број вакцинирани аџии од странство

А1он

Саудијците кои ќе ги кршат мерките, три години нема да смеат да патуваат надвор од земјата

Жарко Настоски

Саудиска Арабија сака заедно со Италија да го организира Светското првенство во 2030 година

Жарко Настоски

Хакерски напад блокираше 800 продавници на трговски ланец во Шведска