Санкции за четворица руски функционери од Европската Унија

Од:

Советот на ЕУ соопшти дека се усвоени новите санкции против четири лица граѓани на Русија, како што најави Брисел минатата недела.

Одлуката за дополнителни санкции против руски официјални лица ја донесоа министрите на ЕУ на последниот Совет за надворешни работи и се одговор на казната затвор за опозиционерот Алексеј Навални.

Александр Бастрикин, шеф на истражната комисија на Русија, Игор Краснов, јавниот обвинител, Виктор Золотов, шеф на Националната гарда и Александр Калашников, шеф на федералната затворска служба се четирите лица санкционирани од страна на ЕУ за нивната инволвираност во арбитрарното апсење, гонење и затворање на Навални, соопштија од Советот на ЕУ.

Санкциите се состојат од забрана за патување и замрзнување на имотот, забрането е за било кое лице или ентитет да им стави на располагање било какви фондови на овие четири лица.

Овие санкции се првите под новиот механизам на ЕУ познат како режим на санкции за глобални човекови права, воведен во декември минатата година и кој и овозможува на ЕУ самостојно да санкционира лица и ентитети одговорни за геноцид, злосторства против човештвото, тортура, и други нарушувања на човековите права.

Би можело да ве интересира

ЕУ ќе преговара за набавка на 1,8 милијарди дози анти-ковид вакцини од „втора генерација“

Жарко Настоски

Украина не мисли да тргнува во офанзива против проруските сепаратисти

Жарко Настоски

Захарова: Членството во НАТО може да доведе до неповратни последици по државноста на Украина

Ана Ололовска

Ракета „Сојуз“ полета во чест на Гагарин кон МВС

Ана Ололовска

Псаки: САД разговараат со сојузниците за прераспоредувањето на руски трупи во близина на Украина

Ана Ололовска

Анкара тврди дека распоредот на седиштата бил по барање на ЕУ, ЕУ не коментира

Ана Ололовска