„Сандеј тајмс“: ЕП е „легло на сексуално вознемирување“

Од:

Повеќе од десетина жени вработени во Европскиот парламент ги обвинија европратениците за непримерно однесување, тврдејќи дека ЕП претставува „легло на сексуално вознемирување“, пишува британскиот весник „Сандеј тајмс“.

Анонимните жени ги обвинуваат политичарите за „допирање, следење и вознемирување“, жалејќи се дека ги третираат како „месо“, наведува лондонскиот весник, кој спроведе истражување во врска со ваквите наводи.

Неименувана асистентка во ЕП тврди дека висок член на тој парламент мастурбирал пред една млада асистентка, се наведува во текстот, кој го пренесува весникот „Сан“.

Друга жена вработена во ЕП опишува како висок германски претставник на Европарламентот „ја следел“ и повеќе пати „и се приближувал“.

Таа тврди дека ЕП е „апсолутно легло на вознемирување“, бидејќи членовите на Парламентот „пред никого не одговараат“.

Уште една жена вработена во ЕУ го опишала „понижувањето кое го чувствува кога членови на ЕП ја третираат како месо“.

Една од жените, чии тврдења ги пренесува британскиот весник, пак, вели дека тоа е „прашање на моќ“ бидејќи европратениците сметаат дека можат да отпуштаат и вработуваат асистентки кога ќе посакаат.

„Сандеј тајмс“ не ги открива имињата на жените кои тврдат дека се сексуално вознемирувани во ЕП, бидејќи ниту една од нив тоа не го пријавила в полиција и не сакаат да ги уништат своите кариери.

Тие сепак признаваат дека за нивниот потег да проговорат во јавност ги охрабрил скандалот во кој е инволвиран холивудскиот продуцент Харви Вајнстин.

Би можело да ве интересира

Европскиот парламент одобри 14,2 милијарди евра помош на земјите кандидати за спроведување на реформите поврзани со ЕУ

А1он

Бугарија и Романија ги исполнуваат условите за прием во шенген зоната

Бугарскиот европратеник Ќучук избран за прв човек на европските либерали

Жарко Настоски

Европскиот парламент пак заседава во Стразбур, за првпат откако почна пандемијата

Жарко Настоски

ЕУ постигна договор за даночна транспарентност за мултинационалните компании

Европскиот парламент го изгласа трговски договор помеѓу ЕУ и Велика Британија