Само вакцинирани странци ќе може да влегуваат во САД

Од:

Администрацијата на американскиот претседател Џо Бајден ги најави првите чекори кон донесување мерка според која сите странски посетители во САД мора да бидат вакцинирани против коронавирусот.

Официјален претставник на Белата куќа изјави дека условот ќе биде дел од постепено административно олеснување на ограничувањата за патување за странски државјани кои доаѓаат во САД, за што не е одредена временска рамка, но сите, со некои ограничени исклучоци, се очекува да треба да се вакцинираат против Ковид-19.

Администрацијата на Бајден ги задржа мерките што строго ја ограничија можноста за влез во Соединетите Американски Држави, како причина наведувајќи го ширењето на Делта варијантата на вирусот.

Според постојните правила, на државјаните кои не се од САД, а кои во претходните 14 дена биле во Кина, во европската Шенген-зона, Велика Британија, Ирска, Бразил, Јужна Африка и Индија, им е забранет влез во земјата.

Сите патници во САД, без оглед на статусот на вакцинација, исто така мора да покажат доказ за негативен тест за Ковид-19, кој не е постар од три дена од моментот на пристигнување во земјата.

Би можело да ве интересира

Рекордни 1,13 милиони новозаразени со Ковид-19 за 24 часа во САД

САД го преполовија рокот за изолација за Ковид

Над 100 милиони случаи на заразени со Ковид-19 на американскиот континент од почетокот на пандемијата

Во САД отпуштени од работа 103 маринци затоа што одбиле вакцина против Ковид-19

Од воздухопловните сили на САД отпуштени 27 војници поради одбивање за вакцинација

Во САД бројот на починати од Ковид-19 достигна 800.000 лица

Катерина Павлова-Николовска